കണ്ണൂർ: സർക്കാർ- അർധസർക്കാർ സ്ഥാപനങ്ങളിലെ ജീവനക്കാർ ആഴ്ചയിൽ ഒരു ദിവസം ഖാദി വസ്ത്രം ധരിക്കണമെന്ന സർക്കാർ ഉത്തരവ് കേരളാ ബാങ്കിലും നടപ്പിലായി.
കണ്ണൂർ റീജണൽ ഓഫീസിനു കീഴിലാണ് പദ്ധതിയുടെ ആദ്യഘട്ടം നടപ്പിലാക്കിയത്. ഇനിമുതൽ എല്ലാ ബുധനഴ്ചയും റീജണൽ ഓഫീസിന് കീഴിലെ ജീവനക്കാരും കണ്ണൂർ, കാസർഗോഡ് ജില്ലകളിലെ ശാഖകളിലെ ജീവനക്കാരും ഖാദി വസ്ത്രം ധരിക്കും. പദ്ധതിയുടെ ഉദ്ഘാടനം റീജണൽ ഓഫീസിൽ ഖാദി ബോർഡ് വൈസ് ചെയർമാൻ പി. ജയരാജൻ ജീവനക്കാർക്ക് ഖാദി വസ്ത്രം നൽകി നിർവഹിച്ചു. ഡയറക്ടർ ബോർഡ് അംഗം കെ.ജി. വത്സലകുമാരി അധ്യക്ഷത വഹിച്ചു. കേരളാ ബാങ്ക് ജനറൽ മാനേജർ എം.പി. ഷിബു, ഡിജിഎമ്മുമാരായ പി.വി. ഗോപിനാഥ്, വി. നാരായണൻ, ഖാദി പ്രോജക്ട് ഓഫീസർ അജിത്കുമാർ, കെ.ആർ. സരളാഭായി, സി.എൻ. മോഹനൻ, പി. സുനിൽകുമാർ എന്നിവർ പ്രസംഗിച്ചു.