സംയുക്ത സൈനിക മേധാവി ബിപിന്‍ റാവത്തിനൊപ്പം കുനൂര്‍ ഹെലികോപ്റ്റര്‍ അപകടത്തില്‍ മരിച്ച ബ്രിഗേഡിയര്‍ എല്‍.എസ്. ലിഡ്ഡറുടെ കുടുംബത്തിന് ഹരിയാന സര്‍ക്കാര്‍ ധനസഹായം പ്രഖ്യാപിച്ചു. സഹായധനമായി 50 ലക്ഷം രൂപ ലിഡ്ഡറുടെ കുടുംബത്തിന് കൈമാറുമെന്ന് ഹരിയാന മുഖ്യമന്ത്രി മനോഹര്‍ലാല്‍ ഖട്ടര്‍ അറിയിച്ചു.
കൂടാതെ ലിഡ്ഡറുടെ കുടുംബത്തിലെ ഒരാള്‍ക്ക് സര്‍ക്കാര്‍ ജോലി നല്‍കുമെന്നും ഖട്ടര്‍ വ്യക്തമാക്കി. ലിഡ്ഡറിന്‍റെ അകാല വിയോഗം അദ്ദേഹത്തിന്‍റെ കുടുംബത്തിനും രാജ്യത്തിനും നികത്താനാകാത്ത നഷ്ടമാണെന്നും ഖട്ടർ കൂട്ടിച്ചേര്‍ത്തു.
ഡിസംബർ എട്ടിന് തമിഴ്‌നാട്ടിലെ കൂനൂരിനടുത്ത് ഇന്ത്യൻ വ്യോമസേനയുടെ ഹെലികോപ്റ്റർ അപകടത്തിൽ സംയുക്ത സൈനിക മേധാവി ബിപിൻ റാവത്തും ഭാര്യ മധുലികയും ഉൾപ്പെടെ 14 സൈനികരാണ് മരിച്ചത്.