വർഷങ്ങളായി വിവിധ പ്രോജക്ടുകൾക്ക് കീഴിൽ താൽക്കാലിക അടിസ്ഥാനത്തിൽ ജോലിചെയ്യുന്ന സ്പെഷ്യൽ എഡ്യൂക്കേറ്റർമാരെ പൊതുവിദ്യാലയങ്ങളിൽ തസ്തിക സൃഷ്ടിച്ച് സ്ഥിരപ്പെടുത്തണമെന്ന് കേരള റിസോഴ്സ് ടീച്ചേഴ്സ് അസോസിയേഷൻ (കെആർടിഎ)ജില്ലാ സമ്മേളനം ആവശ്യപ്പെട്ടു. ശിക്ഷക് സദനിൽ കെ വി സുമേഷ് എംഎൽഎ ഉദ്ഘാടനം ചെയ്തു. ജില്ലാ പ്രസിഡന്റ് പ്രകാശൻ നന്ദാലൻ അധ്യക്ഷനായി. ജില്ലാ സെക്രട്ടറി വി വി നിഷ പ്രവർത്തന റിപ്പോർട്ടും സംസ്ഥാന സെക്രട്ടറി വി സജിൻകുമാർ സംഘടനാ റിപ്പോർട്ടും അവതരിപ്പിച്ചു. കെഎസ്ടിഎ സംസ്ഥാന വൈസ് പ്രസിഡന്റ് സി സി വിനോദ്, സിഐടിയു ജില്ലാ സെക്രട്ടറി കെ അശോകൻ, രമേശൻ കടൂർ, കെ സുരേന്ദ്രൻ, കെ കെ വിനോദൻ, എൻ എസ് ധന്യ, വി പ്രസാദ്, ടി ജെ ജൂലിയാന എന്നിവർ സംസാരിച്ചു. ഭാരവാഹികൾ: പി കെ സുരേഷ് (പ്രസിഡന്റ്), വി വി നിഷ (സെക്രട്ടറി), കെ പ്രവിന (ട്രഷറർ).
സ്പെഷ്യൽ എഡ്യൂക്കേറ്റർമാരെ സ്ഥിരപ്പെടുത്തണം
