കണ്ണൂർ: ഡൽഹിയിൽ നടക്കുന്ന റിപ്പബ്ലിക് ദിനപരേഡിൽ പങ്കെടുക്കുന്ന കേരള – ലക്ഷദ്വീപ് കണ്ടിജെന്റിലെ 57 പേരിൽ 31 കേരള ബറ്റാലിയൻ എൻസിസി. കണ്ണൂർ യൂണിറ്റിൽ നിന്ന് ഇത്തവണ രണ്ട് കേഡറ്റുകളും രണ്ട് ഓഫീസർമാരും പങ്കെടുക്കും. കണ്ണൂർ എസ്എൻ കോളജിലെ മൂന്നാം വർഷ ബിഎസ് സി മൈക്രോ ബയോളജി വിദ്യാർഥി പി.വി. അർജുൻ (ഗാർഡ് ഓഫ് ഓണർ), കണ്ണൂർ ഗവ. പോളിടെക്നിക് കോളജിൽ ഇലക്ട്രിക് എൻജിനീയറിംഗ് മൂന്നാംവർഷ വിദ്യാർഥി ഷെർഹാൻ (രജ്പത്) എന്നിവരാണ് കേഡറ്റുകൾ. കണ്ടിജന്റ് കമാൻഡർ കണ്ണൂർ 31 കേരള എൻസിസി ബറ്റാലിയൻ അഡ്മിനിസ്ട്രേറ്റീവ് ഓഫീസർ ലഫ്. കേണൽ ഋതുരാജ് ഗിൽ, മട്ടന്നൂർ പിആർഎൻഎസ്എസ് കോളജിലെ എൻസിസി ഓഫീസർ ലഫ്. ഡോ. പി.വി. സുമിത്ത് എന്നിവരാണ് ഓഫീസർ റാങ്കിലുള്ളവർ.