ക്രിസ്മസ് – ന്യൂ ഇയർ സ്പെഷൽ എൻഫോഴ്സ്മെന്റ് ഡ്രൈവിനോടുബന്ധിച്ച് പേരാവൂർ എക്സൈസും പൊലീസ് ഹൈവേ പട്രോൾ യൂണിറ്റും സംയുക്ത വാഹന പരിശോധന നടത്തി. നിടുംപൊയിൽ – മാനന്തവാടി അന്തർസംസ്ഥാന പാതയിൽ ഇരുപത്തിയൊമ്പതാം മൈലിൽ വെച്ച് നടത്തിയ വാഹന പരിശോധനക്ക് എക്സൈസ് പ്രിവന്റീവ് ഓഫീസർ എം. പി സജീവൻ, പൊലീസ് ഹൈവേ പട്രോൾ യൂണിറ്റ് എസ്. ഐ സന്തോഷ് കുമാർ എന്നിവർ നേതൃത്വം നൽകി.
പ്രിവന്റീവ് ഓഫീസർ (ഗ്രേഡ്) സി. എം ജയിംസ്, സിവിൽ എക്സൈസ് ഓഫീസർമാരായ കെ. എ മജീദ്, പി. എസ് ശിവദാസൻ, എൻ. സി വിഷ്ണു എന്നിവർ ഹൈവേ പട്രോൾ സംഘത്തിനൊപ്പം പരിശോധനയിൽ പങ്കെടുത്തു.