കണ്ണൂർ: സംസ്ഥാനത്തെ മുഴുവന് ക്ഷീരകര്ഷകരെയും ക്ഷീരകര്ഷക ക്ഷേമനിധിയില് ചേര്ക്കുന്നതിനുള്ള നടപടികള് തുടങ്ങി. ക്ഷീരസംഘങ്ങളില് അംഗത്വമില്ലാത്ത കര്ഷകരെയും ക്ഷേമനിധിയില് ഉള്പ്പെടുത്തുകയാണ് ലക്ഷ്യം. ആധാര് കാര്ഡ്, ബാങ്ക് പാസ് ബുക്ക്, ഫോട്ടോ എന്നിവസഹിതം ഓണ്ലൈനായാണ് അപേക്ഷിക്കേണ്ടത്. അംഗത്വ ഫീസായി 100 രൂപ അടയ്ക്കണം. ക്ഷേമനിധിയില് അംഗത്വമെടുത്തശേഷം വര്ഷം 500 ലിറ്റര് പാലെങ്കിലും അഞ്ചു വര്ഷം ക്ഷീരസംഘങ്ങളില് നല്കിയാല് 60 വയസ് പൂര്ത്തിയാകുമ്പോള് പെന്ഷന് ലഭിക്കും. കൂടുതല് വിവരങ്ങള്ക്ക് അതത് ക്ഷീരസഹകരണ സംഘങ്ങളിലോ ബ്ലോക്ക് തലത്തില് പ്രവര്ത്തിക്കുന്ന ക്ഷീരവികസന ഓഫീസുകളുമായോ ബന്ധപ്പെടണം.