പരിയാരം: കണ്ണൂർ ഗവ. മെഡിക്കൽ കോളജിൽ പോലീസ് എയ്ഡ് പോസ്റ്റ് പ്രവർത്തനം പുനരാരംഭിക്കുന്നു. നാളെ രാവിലെ 10 ന് പയ്യന്നൂർ ഡിവൈഎസ്പി കെ.ഇ. പ്രേമചന്ദ്രൻ ഉദ്ഘാടനം നിർവഹിക്കും. കാഷ്വാലിറ്റിക്ക് സമീപത്താണ് പുതിയ എയ്ഡ്പോസ്റ്റ്. 24 മണിക്കൂറും പോലീസിന്റെ സേവനം ലഭ്യമാകും. 25 വർഷമായി മെഡിക്കൽ കോളജിൽ ഉണ്ടായിരുന്ന പോലീസ് എയ്ഡ് പോസ്റ്റിന്റെ പ്രവർത്തനം 2020 മാർച്ചിൽ കോവിഡ് ഡ്യൂട്ടിക്കായി പോലീസുകാരെ നിയോഗിച്ചതിനാൽ തടസപ്പെടുകയായിരുന്നു.