കണ്ണൂര്‍: സംസ്ഥാനത്തു ലോക്ഡൗണ്‍ നിയന്ത്രണം ലഘൂകരിക്കാന്‍ തീരുമാനിച്ച സാഹചര്യത്തില്‍ ജില്ലാ ദുരന്തനിവാരണ അഥോറിറ്റി യോഗം ചേര്‍ന്ന് ജില്ലയില്‍ സ്വീകരിക്കേണ്ട നടപടികള്‍ സംബന്ധിച്ച രൂപരേഖ തയാറാക്കി.
ഓരോ പ്രദേശത്തെയും സ്ഥിതി വിലയിരുത്തിയാകും നടപടി കൈക്കൊള്ളുകയെന്ന് ജില്ലാ കളക്ടര്‍ ടി.വി. സുഭാഷ് അറിയിച്ചു.
ജില്ലയില്‍ കണ്ണപുരം (20.90), പരിയാരം (20.10) ഗ്രാമപഞ്ചായത്തുകളില്‍ മാത്രമാണ് ടിപിആര്‍ 20 ശതമാനത്തിന് മുകളില്‍. 12 തദ്ദേശ സ്ഥാപനങ്ങളില്‍ ടിപിആര്‍ എട്ട് ശതമാനത്തില്‍ കുറവാണ്. ടിപിആര്‍ 20 ന് മുകളിലുള്ള തദ്ദേശസ്ഥാപന പ്രദേശങ്ങളില്‍ കടുത്ത നിയന്ത്രണങ്ങള്‍ തുടരും. ടിപിആര്‍ 30 ന് മുകളിലുള്ള പ്രദേശങ്ങളില്‍ ലോക്ഡൗണിനു സമാനമായ നിയന്ത്രണം ആയിരിക്കും. പോലീസ്, ആരോഗ്യ വകുപ്പുകളുടെ റിപ്പോര്‍ട്ടിന്‍റെയും ഒരാഴ്ചത്തെ ശരാശരി ടിപിആറിന്‍റെയും അടിസ്ഥാനത്തില്‍ ആയിരിക്കും ഓരോ തദ്ദേശസ്ഥാപന പരിധിയിലും നിയന്ത്രണങ്ങളില്‍ മാറ്റങ്ങള്‍ വരുത്തുകയെന്നും കളക്ടര്‍ അറിയിച്ചു.
ഉയര്‍ന്ന ടിപിആര്‍ രണ്ട് പഞ്ചായത്തില്‍ മാത്രം
