ഇരിട്ടിയില്‍ വര്‍ഷങ്ങള്‍ക്ക് മുമ്പ് അനുവദിച്ച കെഎസ്ആര്‍ടിസി സബ് ഡിപ്പോയുടെ നിര്‍മാണം ആരംഭിക്കണമെന്ന് യൂത്ത് ഫ്രണ്ട്-എം പേരാവൂര്‍ മണ്ഡലം കമ്മിറ്റി ആവശ്യപ്പെട്ടു . ഇതുസംബന്ധിച്ച് ഗതാഗതമന്ത്രി ആന്‍റണി രാജുവിന് നിവേദനം നല്‍കാനും യോഗം തീരുമാനിച്ചു. യൂത്ത് ഫ്രണ്ട്-എം സംസ്ഥാന ജനറല്‍ സെക്രട്ടറി വിപിന്‍ തോമസ് യോഗം ഉദ്ഘാടനം ചെയ്തു. മണ്ഡലം പ്രസിഡന്‍റ് കെ. കെ. വിനോദ് അധ്യക്ഷത വഹിച്ചു.
ജില്ലാ ജനറല്‍ സെക്രട്ടറി ഷൈജു കുന്നോല , മെബിന്‍ പാമ്പക്കല്‍, രാഹുല്‍ ജോസ്, യദു ചെന്തുരുതിയില്‍, റോയ് ചേരിയംതൊട്ടിയില്‍, ലിന്‍റോ കുടിലില്‍, ഷൈജു പറമ്പുകാട്ടില്‍ എന്നിവര്‍ പങ്കെടുത്തു.
ഇരിട്ടി സബ് ഡിപ്പോ നിര്‍മാണം ആരംഭിക്കണം: യൂത്ത് ഫ്രണ്ട്-എം
