തലശേരി: തലശേരി അതിരൂപത വിശ്വാസ പരിശീലന പ്രവർത്തന വർഷം ഉദ്ഘാടനം ഓൺലൈനായി ഇന്നു നടക്കും. രാവിലെ പത്തിന് നടക്കുന്ന ചടങ്ങിൽ പ്രവർത്തനവർഷം ഉദ്ഘാടനം അതിരൂപത ആർച്ച്ബിഷപ് മാർ ജോർജ് ഞറളക്കാട്ടും ഓൺലൈൻ ക്ലാസ് ഉദ്ഘാടനം അതിരൂപത സഹായമെത്രാൻ മാർ ജോസഫ് പാംപ്ലാനിയും നിർവഹിക്കും. വികാരി ജനറാൾ മോൺ. അലക്സ് താരാമംഗലം പ്രസംഗിക്കും. അതിരൂപത വിശ്വാസ പരിശീലന ഡയറക്ടർ റവ.ഡോ.ജേക്കബ് വെണ്ണായപ്പിള്ളിൽ സ്വാഗതവും ചെറുപുഷ്പ മിഷൻലീഗ് അതിരൂപത ഡയറക്ടർ ഫാ.ജോസഫ് വടക്കേപറന്പിൽ നന്ദിയും പറയും. https:// youtu.be/2ivpOBV8TrM എന്ന ലിങ്കിലൂടെ ചടങ്ങിൽ പങ്കെടുക്കാം.
പ്രവർത്തനവർഷത്തിന് ഒരുക്കമായി ഇന്നലെ രാത്രി 7.30 മുതൽ എട്ടുവരെ വിശ്വാസ പരിശീലകർ, വിദ്യാർഥികൾ, രക്ഷിതാക്കൾ എന്നിവർക്കായി ഓൺലൈനായി ദിവ്യകാരുണ്യ ആരാധന സംഘടിപ്പിച്ചിരുന്നു.