തൊണ്ടിയില്‍: തൊണ്ടിയില്‍, മാവടി മേഖലയില്‍ വെള്ളിയാഴ്ച ഉണ്ടായ കനത്ത കാറ്റില്‍ നാശനഷ്ടമുണ്ടായ പ്രദേശങ്ങൾ സണ്ണി ജോസഫ് എംഎല്‍എ സന്ദര്‍ശിച്ച് സ്ഥിതികള്‍ വിലയിരുത്തി. നൂറുകണക്കിന് റബര്‍, വാഴ, കശുമാവ്, തെങ്ങ്, കമുക് തുടങ്ങിയ കാര്‍ഷിക വിളകളാണ് നശിച്ചത്. നിരവധി തൊഴുത്തുകള്‍, വിറകുപുരകള്‍, റബര്‍ മെഷീന്‍ ഷെഡുകള്‍ എന്നിവയ്ക്കും കേടുപാടുണ്ടായി. കൂടാതെ പഞ്ചായത്ത് പ്രസിഡന്റ് കെ.വേണുഗോപാല്‍, വാര്‍ഡ് മെംബർ രാജു നടുപ്പറമ്പില്‍, വില്ലേജ് ഒഫീസര്‍ മനോജ് കുമാര്‍ തുടങ്ങിയവരും സ്ഥലം സന്ദര്‍ശിച്ചു. റവന്യൂ, കൃഷി വകുപ്പുകള്‍ നഷ്ടങ്ങളുടെ കണക്കെടുപ്പ് നടത്തുന്നുണ്ട്.
തൊണ്ടിയില്‍, മാവടി മേഖലയില്‍ നാശനഷ്ടമുണ്ടായ പ്രദേശങ്ങൾ സണ്ണി ജോസഫ് എംഎല്‍എ സന്ദര്‍ശിച്ചു
