കണ്ണൂർ: നെൽകർഷക മേഖലയിലുണ്ടായിട്ടുള്ള പ്രതിസന്ധിക്ക് പരിഹാരം കാണാൻ സർക്കാർ അടിയന്തരമായി ഇടപെടണമെന്ന് കേരള കോൺഗ്രസ്-എം സംസ്ഥാന ജനറൽ സെക്രട്ടറി പി.ടി.ജോസ് ആവശ്യപ്പെട്ടു.സർക്കാർ പ്രഖ്യാപിച്ച വിലയ്ക്ക് നെല്ല് സംഭരിക്കുന്നതിലും പണം നൽകുന്നതിലും ഗുരുതരമായ പ്രതിസന്ധി ഉണ്ടായതായി നെൽകർഷക മേഖലയിൽ നിന്നാകെ പരാതി ഉയർന്നിരിക്കുകയാണ്. സംഭരണം തകർക്കാൻ എക്കാലത്തും കുത്തകമില്ലുടമകളും ഇടനിലക്കാരും ശ്രമിക്കാറുണ്ട്. അവർക്ക് വിജയം ഒരുക്കി കൊടുക്കുന്ന തരത്തിലുള്ള ഇതുമായി ബന്ധപ്പെട്ട് പ്രവർത്തിക്കുന്ന ഉദ്യോഗസ്ഥ മേഖലയിലെ ഉദാസീനതയും സംഭരണത്തിനായി നിശ്ചയിച്ചിരിക്കുന്ന വ്യവസ്ഥകളും കൃഷിക്കാരെ ചൂഷണം ചെയ്യാനും സംഭരണം തടസപ്പെടാനും ഉപകരിക്കുന്നതരത്തിലാണെങ്കിൽ അവ തിരുത്തുകയും പുനഃപരിശോധിക്കുകയും ചെയ്തേ മതിയാകൂ. സംഭരിച്ച് സൂക്ഷിക്കാൻ ഗോഡൗണുകൾ ഒരുക്കിയും ഉത്പാദിപ്പിച്ച നെല്ല് മുഴുവൻ അടിയിന്തരമായും സംഭരിക്കുകയും സംഭരിക്കുന്ന നെല്ലിന്റെ വില കാലതാമസം കൂടാതെ നൽകുകയും ചെയ്താലേ അടുത്ത കൃഷിക്ക് ഒരുങ്ങാൻ കൃഷിക്കാർക്ക് കഴിയികയുള്ളൂവെന്ന് അദ്ദേഹം പ്രസ്താവനയിൽ പറഞ്ഞു.
previous post