ഉളിക്കൽ : ഉളിക്കൽ പഞ്ചായത്തിൽ കോവിഡ് പ്രതിരോധം ശക്തമാക്കാൻ സുരക്ഷാ സമിതി യോഗത്തിൽ തീരുമാനിച്ചതായി പഞ്ചായത്ത് പ്രസിഡന്റ് പി.സി. ഷാജി അറിയിച്ചു. രോഗ വ്യാപനവുമായി ബന്ധപ്പെട്ട് പോസിറ്റീവ് കേസുകളുള്ള വീടിന്റെ 100 മീറ്റർ ചുറ്റളവിൽ മൈക്രോ കണ്ടെയ്ൻമെന്റ് സോൺ ആക്കാൻ തീരുമാനിച്ചു. മൈക്രോ കണ്ടെയ്ൻമെന്റ് സോണിലുൾപ്പെടുന്ന വ്യാപാരസ്ഥാപനങ്ങൾ ഏഴ് ദിവസത്തേക്ക് അടച്ചിടുകയും ആരാധനാലയങ്ങളിൽ യാതൊരുവിധ പൊതു ചടങ്ങുകളും കൂടിച്ചേരലുകളും അനുവദിക്കുകയുമില്ല. പഞ്ചായത്ത് പ്രദേശത്തെ ടൗണുകളും വ്യാപാര സ്ഥാപനങ്ങളും അടിയന്തരമായി അണുനശികരണം നടത്തും. ഉളിക്കൽ പഞ്ചായത്തിലെ വ്യാപാരസ്ഥാപനങ്ങൾ രാത്രി എട്ടിനും ഹോട്ടലുകൾ ഒൻപതിനും അടയ്ക്കും. മതാധികാരികളുമായി ചർച്ച ചെയ്ത് ആരാധനാലയങ്ങളിലെ നിയന്ത്രണങ്ങൾ ക്രമീകരിക്കുന്നതിനും തീരുമാനിച്ചു.
previous post