തിരുവനന്തപുരം: പുതിയ സാമ്പത്തിക വർഷം പിറന്നതോടെ പുതിയ നടപടികൾക്കും തുടക്കമായി. ലഘു സമ്പാദ്യ പദ്ധതികളുടെ പലിശ കേന്ദ്രം കുറച്ചതാണ് ഈ സാമ്പത്തിക വർഷത്തിലെ പ്രധാന നടപടി. പോസ്റ്റ് ഓഫീസ് നിക്ഷേപങ്ങൾക്ക് അടക്കം ഒരു ശതമാനംവരെ പലിശ കുറയ്ക്കും. പെൺകുട്ടികൾക്കായുള്ള സുകന്യ സമൃദ്ധി നിക്ഷേപത്തിനും പലിശ കുറയും. 50 കോടിയ്ക്ക് മുകളിൽ വാർഷിക വിറ്റുവരവുള്ള വ്യാപാരികൾക്ക് ഇന്ന് മുതൽ ഇൻവോയ്‌സിങ് നിർബന്ധമാക്കും. ചരക്കുകൾക്കും സേവനങ്ങൾക്കും ഡെബിറ്റ് , ക്രെഡിറ്റ് നോട്ടുകൾക്കും ഇൻവോയ്‌സിങ് വേണം. ദേശീയ പാതകളിലെ ടോൾ നിരക്ക് ഇന്ന് മുതൽ കൂടും. ആദായ നികുതി നിയമങ്ങളിലും വലിയ മാറ്റങ്ങളാണ് വരുന്നത്. റിട്ടേൺ നൽകിയില്ലെങ്കിൽ ഇനി കനത്ത പിഴ ഈടാക്കുന്നതാണ്.
പുതിയ സാമ്പത്തിക വർഷം തുടങ്ങി; പുതിയ നടപടികളും…..
