സംസ്ഥാനത്ത് കോവിഡ് വ്യാപനം കുറഞ്ഞെന്ന് മുഖ്യമന്ത്രി പിണറായി വിജയന്. കോവിഡ് രോഗികളുടെ എണ്ണം 31 ശതമാനമായി കുറഞ്ഞു.
ആറു മാസത്തിനിടയിലെ ഏറ്റവും കുറഞ്ഞ രോഗവ്യാപനമാണ് ഇപ്പോഴുള്ളത്. നിലവില് 27,057 പേരാണ് കോവിഡ് ബാധിച്ചു ചികിത്സയില് കഴിയുന്നത്. ടെസ്റ്റ് പോസിറ്റിവിറ്റി നിരക്ക് മൂന്നിനു താഴേക്കു വന്നു.
ടെസ്റ്റ് പോസിറ്റിവിറ്റി നിരക്കു നിയന്ത്രിക്കുന്നതില് കേരളം കാണിച്ച മികവിനെ കേന്ദ്ര ആരോഗ്യസെക്രട്ടറി അഭിനന്ദിച്ചിരുന്നു. രോഗികളുടെ എണ്ണം കുറഞ്ഞിട്ടും ടെസ്റ്റുകളുടെ എണ്ണത്തില് കുറവു വന്നിട്ടില്ല. അതിനാലാണ് കുറഞ്ഞ ടെസ്റ്റ് പോസിറ്റിവിറ്റി നിരക്ക് നിലനിര്ത്താന് കഴിഞ്ഞതെന്നും മുഖ്യമന്ത്രി പറഞ്ഞു.