ഇരിട്ടി: എൽഡിഎഫ് സ്ഥാനാർഥി കെ വി സക്കീർഹുസൈൻ വെള്ളിയാഴ്ച ആറളം, അയ്യങ്കുന്ന്, പായം പഞ്ചായത്തുകളിലെ പ്രധാന കേന്ദ്രങ്ങളിൽ പര്യടനം നടത്തി. മലയോരകേന്ദ്രങ്ങളായ
ആനപ്പന്തിക്കവല, വള്ളിത്തോട്, കിളിയന്തറ, പേരട്ട, കച്ചേരിക്കടവ്, മുടിക്കയം, ചരൾ, വാണിയപ്പാറ, അങ്ങാടിക്കടവ്, ആനപ്പന്തി, കരിക്കോട്ടക്കരി, എടപ്പുഴ, വെളിമാനം, അത്തിക്കൽ, കീഴ്പ്പള്ളി, വീർപ്പാട്, അമ്പലക്കണ്ടി, ചെടിക്കുളം മേഖലകളിലെ പര്യടന ശേഷം ആറളം ,പൂതക്കുണ്ട്, പായം, കരിയാൽ, വട്ട്യറ, പോസ്റ്റ് ഓഫീസ്, എടൂർ, കോളിക്കടവ് എന്നീ കേന്ദ്രങ്ങളിലെത്തി. നാടെങ്ങും എൽഡിഎഫിന്റെ യുവ സാരഥിക്ക് ഹൃദ്യമായ പിന്തുണയുമായി ജനങ്ങൾ വരവേറ്റു. എൽഡിഎഫ് നേതാക്കളായ കെ ശ്രീധരൻ, പി പി അശോകൻ, പി റോസ, ബാബുരാജ് പായം, അജയൻ പായം, ജയ്സൺ ജീരകശ്ശേരി, ബെന്നിച്ചൻ മഠത്തിനകം എന്നിവരുമുണ്ടായി. വൈകിട്ട് സ്ഥാനാർഥി എൽഡിഎഫ് മണ്ഡലം കൺവെൻഷനിലും പങ്കെടുത്ത് സംസാരിച്ചു.