കണ്ണൂർ: 2021 ലെ കേരള നിയമസഭയിലേക്കുള്ള തെരഞ്ഞെടുപ്പുമായി ബന്ധപ്പെട്ട് പെരുമാറ്റച്ചട്ടം ലംഘിച്ചെന്ന് കാണിച്ച് തനിക്ക് നൽകിയ നോട്ടീസ് വസ്തുകൾ അറിയാതെയാണെന്ന് കെ.കെ. രാഗേഷ് എം.പി. പൊതു പെരുമാറ്റച്ചട്ടം നിലവിൽ വന്നതിനുശേഷം ഒരു പൊതുപരിപാടിയിലും താൻ പങ്കെടുത്തിട്ടില്ല. നോട്ടീസിൽ പറഞ്ഞിരിക്കുന്ന മുണ്ടേരി ഗവ. ഹയർ സെക്കൻഡറി സ്കൂളിലെ ഉദ്ഘാടന പരിപാടിയുടെ ഫോട്ടോ സഹിതമുള്ള വാർത്ത മാധ്യമങ്ങൾ പെരുമാറ്റച്ചട്ടം നിലവിൽ വന്ന ശേഷം പ്രസിദ്ധീകരിച്ചതിന് താൻ ഉത്തരവാദിയല്ല.പ്രാഥമികമായ അന്വേഷണം പോലും നടത്താതെ തനിക്ക് നോട്ടീസ് നൽകിയത് അങ്ങേയറ്റം ഖേദകരമാണെന്നും കെ.കെ. രാഗേഷ് എംപി അറിയിച്ചു.