കെഎസ്ഇബിയോ പിഡബ്ല്യുഡിയോ, ആര് മുറിച്ച് മാറ്റും മരം ? തർക്കം; പൊട്ടി വീണ മരം കെഎസ്ഇബി ലൈനിൽ കിടക്കുന്നു

പാലക്കാട് : അട്ടപ്പാടി അഗളിയിൽ പൊട്ടി വീണ മരം കെഎസ്ഇബി ലൈനിൽ തങ്ങി നിൽക്കുന്നു. മണ്ണാർക്കാട്-ആനക്കട്ടി പ്രധാന പാതയ്ക്ക് കുറുകെയുള്ള 1 കെ.വി വൈദ്യുതി ലൈനിലാണ് മരം തങ്ങി നിൽക്കുന്നത്. വിവരം അറിയിച്ചിട്ടും മരക്കൊമ്പ് മാറ്റാൻ ഉദ്യോഗസ്ഥർ നടപടി സ്വീകരിക്കുന്നില്ലെന്ന് നാട്ടുകാർ ആരോപിച്ചു. മരം മുറിച്ച് മാറ്റേണ്ടത് കെഎസ്ഇബിയോ,പിഡബ്ല്യൂഡിയോ എന്ന തർക്കമാണ് മരം മാറ്റാൻ തടസമായിരിക്കുന്നത്.