മുസഫർപൂരിൽ നിന്ന് ഓൾഡ് ഡൽഹിയിലേക്ക് പോകുന്ന 04043 ട്രെയിനാണിത്. ജി-17, ജി-18 കോച്ചുകളിൽ ടിക്കറ്റ് ലഭിച്ചവർ കോച്ച് തെരഞ്ഞ് നടക്കുന്നതിനിടെ ട്രെയിൻ വിട്ടു. പലരുടെയും യാത്ര മുടങ്ങി. ചിലരാകട്ടെ ജനറൽ കോച്ചിൽ സീറ്റില്ലാതെ യാത്ര ചെയ്തു.
സാങ്കേതിക കാരണങ്ങളാൽ രണ്ട് കോച്ചുകള് കുറച്ചാണ് ഡൽഹിയിൽ നിന്ന് അയച്ചതെന്നാണ് സോണ്പൂർ റെയിൽവേ ഡിവിഷന്റെ വിശദീകരണം. ട്രെയിനിൽ വേറെ സീറ്റ് നൽകുകയോ പണം തിരികെ നൽകുകയോ ചെയ്തില്ലെന്ന് യാത്രക്കാർ പറയുന്നു. ഇന്ത്യൻ റെയിൽവേയെ ടാഗ് ചെയ്ത് യാത്രക്കാർ സോഷ്യൽ മീഡിയയിൽ പരാതി ഉന്നയിച്ചു. പ്രായമായവരും കുഞ്ഞുങ്ങളും ഉള്പ്പെടുന്നവർ ഉണ്ടായിരുന്നുവെന്നും ഏറെ കഷ്ടപ്പെട്ടെന്നും യാത്രക്കാർ പറയുന്നു.