നെടുങ്കണ്ടം: ഇടുക്കി ചെമ്മണ്ണാർ സ്വദേശിനിയായ ഫിസിയൊതെറാപ്പി വിദ്യാർഥിനി ബെംഗളൂരുവിൽ ഹോസ്റ്റൽ കെട്ടിടത്തിന് മുകളിൽ നിന്നുവീണ് മരിച്ചു. ചെമ്മണ്ണാർ എള്ളംപ്ലാക്കൽ അനില (19) ആണ് മരിച്ചത്.
ശനിയാഴ്ചയാണ് അപകടം നടന്നത്. ബെംഗളൂരു രാജരാജേശ്വരി മെഡിക്കൽ കോളേജിലെ വിദ്യാർഥിനിയായ അനില മരിച്ച വിവരം കോളേജ് അധികൃതരാണ് വീട്ടിൽ അറിയിച്ചത്. പോസ്റ്റ് മോർട്ടത്തിനുശേഷം മൃതദേഹം ബന്ധുക്കൾക്ക് വിട്ടു നൽകി. അച്ഛൻ: ബിജു. അമ്മ: ബീന (ഉടുമ്പൻചോല പഞ്ചായത്ത് വൈസ് പ്രസിഡന്റ്). സഹോദരി: അമൃത.