ആരാടാ അത്, ഓടിക്കോ ഞാന്‍ അൽപം പിശകാ! ശൗര്യത്തോടെ കാറിനടുത്തേക്ക് പാഞ്ഞടുത്ത് കാട്ടാനകൾ,പിന്നാലെ സ്നേഹപ്രകടനം

ഇടുക്കി:ദൃശ്യങ്ങള്‍ പകര്‍ത്താനെത്തിയ വൈല്‍ഡ് ലൈഫ് ഫോട്ടോഗ്രാഫറുടെ നിര്‍ത്തിയിട്ട കാറിനെ വലയം വെച്ച് കാട്ടാനകൂട്ടം.മൂന്നാര്‍ ചോക്കനാട് എസ്റ്റേറ്റിലാണ് സംഭവം.കേടുപാടുകളൊന്നും വരുത്താതെ തൊട്ടും തലോടിയും ആറരമണിക്കൂര്‍ കാറിനടുത്ത് ചിലവഴിച്ച ശേഷമാണ് കാട്ടാനകള്‍ മടങ്ങിയത്. ആദ്യം കാറിനുമുന്നിലേക്ക് കുതിച്ചുവരുന്നതിന്‍റെയും പിന്നീട് ആരുമില്ലെന്ന് മനസിലാക്കി ശൗര്യമടക്കി കാറിന് ചുറ്റും ആന നടക്കുന്നതിന്‍റെയും മനോഹര ദൃശ്യങ്ങളും വൈല്‍ഡ് ലൈഫ് ഫോട്ടോഗ്രാഫറായ ഹാഡ് ലി രഞ്ജിത്തിന്‍റെ ക്യാമറയില്‍ പതിഞ്ഞു.