തെരുവുനായയുടെ ആക്രമണത്തിൽ പതിനൊന്നുകാരനു ദാരുണാന്ത്യം. എടക്കാട് സ്വദേശി നിഹാലാണു മരിച്ചത്. ഇന്നു വൈകിട്ട് അഞ്ചുമണിയോടെ കുട്ടിയെ കാണാതായിരുന്നു. തുടര്‍ന്നു നടത്തിയ അന്വേഷണത്തിലാണു വീടിന്റെ മതിലിനോടു ചേര്‍ന്നു നിഹാലിനെ കണ്ടെത്തിയത്.
സംസാരശേഷിയില്ലാത്ത കുട്ടിയാണു നിഹാൽ. ആശുപത്രിയിൽ എത്തിച്ചപ്പോഴേക്കും നിഹാൽ മരിച്ചിരുന്നു. കുട്ടിയുടെ ശരീരത്തു കടിയേറ്റതിന്റെ പാടുകളുണ്ട്. മൃതദേഹം തലശ്ശേരി ആശുപത്രിയിലേക്കു മാറ്റി.