ഇരിട്ടി: കടുത്ത വേനലും ഉഷ്ണക്കാറ്റും കാരണം വറ്റിവരളുന്ന പുഴകൾ നൽകുന്നത് ഭാവിയുടെ ശുഭ സൂചനകളല്ല. ഉത്ഭവ സ്ഥാനത്ത് നീരൊഴുക്ക് നന്നേ കുറയുകയും ചിലയിടങ്ങളിൽ ഭാഗികമായും മറ്റിടങ്ങളിൽ പൂർണമായും വറ്റിവരണ്ട പുഴകൾ കല്ലുകളും മണലും മരത്തടികളും കൊണ്ട് നിറഞ്ഞിരിക്കുകയാണ്.
ഇവ നീക്കാത്തപക്ഷം വേനലിനു ശേഷം വന്നെത്തുന്ന കാലവർഷത്തെ അതിജീവിക്കാൻ ഈ പുഴകൾക്കാകുമോ എന്നതും പുഴകൾ ഗതിമാറി ഒഴുകി മറ്റൊരു പ്രളയത്തിലേക്ക് മലയോരത്തെ കൊണ്ടെത്തിക്കുമോ എന്നതും ചോദ്യമായി തുടരുകയാണ്.