അഞ്ചാംപനി പ്രതിരോധത്തിന് ആരോഗ്യ വകുപ്പ് ശക്തമായ നടപടി സ്വീകരിച്ചു തുടങ്ങിയെന്ന് ആരോഗ്യമന്ത്രി വീണ ജോര്ജ്. മലപ്പുറത്ത് അഞ്ചാംപനി റിപ്പോര്ട്ട് ചെയ്തപ്പോള് ജില്ലയ്ക്ക് നേരത്തെതന്നെ ജാഗ്രതാ നിര്ദേശവും സംസ്ഥാനത്ത് നിരീക്ഷണമൊരുക്കാനുള്ള നിര്ദേശവും നല്കിയെന്നും മന്ത്രി പറഞ്ഞു.
കഴിഞ്ഞ തിങ്കളാഴ്ച നടന്ന സംസ്ഥാന മെഡിക്കല് ഓഫീസര്മാരുടെ യോഗത്തിലും മലപ്പുറത്തെ പ്രവര്ത്തനങ്ങള് പ്രത്യേകമായി അവലോകനം ചെയ്തിരുന്നു.
ആശങ്കപ്പെടേണ്ട കാര്യമില്ലെന്നും എല്ലാവരും കുട്ടികള്ക്ക് കൃത്യമായി വാക്സിന് എടുത്തിട്ടുണ്ടെന്ന് ഉറപ്പാക്കണമെന്നും മന്ത്രി അഭ്യര്ഥിച്ചു.