ജി20 ഉച്ചകോടിയില്‍ പങ്കെടുക്കാനായി പ്രധാനമന്ത്രി നരേന്ദ്ര മോദി ഇന്ന് ഇന്തോനേഷ്യയിലേക്ക്. ചൊവ്വാഴ്ച ആരംഭിക്കുന്ന സമ്മേളനത്തിലെ മൂന്ന് സെഷനുകളില്‍ അദ്ദേഹം പങ്കെടുക്കും.
ബ്രിട്ടിഷ് പ്രധാനമന്ത്രി ഋഷി സുനക്,ഫ്രഞ്ച് പ്രസിഡന്‍റ് ഇമ്മാനുവല്‍ മക്രോൺ, ജര്‍മന്‍ ചാന്‍സലര്‍ ഒലാഫ് ഷോള്‍സ്, എന്നിവരും സമ്മേളനത്തില്‍ പങ്കെടുക്കും.
സമ്മേളനത്തിനായി എത്തുന്ന അമേരിക്കന്‍ പ്രസിഡന്‍റ് ജോ ബൈഡനും ചൈനീസ് പ്രസിഡന്‍റ് ഷീ ജിന്‍ പിംഗും പ്രത്യേകം കൂടിക്കാഴ്ച നടത്തും. യുക്രെയ്ന്‍ യുദ്ധവും തുടര്‍ന്നുള്ള ആഗോള പ്രശ്നങ്ങളും സമ്മേളനം ചര്‍ച്ച ചെയ്യും.
അടുത്ത ജി20 ഉച്ചകോടി ഇന്ത്യയിലാണ്. ഡിസംബറില്‍ ഇന്ത്യ ജി20 അധ്യക്ഷ സ്ഥാനം ഔദ്യോഗികമായി ഏറ്റെടുക്കും.