മാഹി: മാഹി സെന്റ് തെരേസാസ് ദേവാലയത്തിലെ വിശുദ്ധ അമ്മ ത്രേസ്യയുടെ18 ദിവസം നീണ്ടു നിൽക്കുന്ന തിരുനാൾ ആഘോഷം നാളെ സമാപിക്കും. ഇന്ന് രാവിലെ ഏഴിനും വൈകുന്നേരം ആറിനും ദിവ്യബലി ഉണ്ടായിരിക്കും. വൈകുന്നേരം ആറിന് ഫാ. ജോൺസൺ അവരേവ് കാർമികത്വം വഹിക്കും. നാളെ രാവിലെ 10.30ന് തിരുവനന്തപുരം രൂപതാ മെത്രാൻ റവ. ഡോ. തോമസ് നെറ്റേയുടെ കാർമികത്വത്തിൽ ദിവ്യബലി നടക്കും. തുടർന്ന് പ്രദക്ഷിണം.
ഉച്ചകഴിഞ്ഞ് പൊതുവണക്കത്തിനായി പ്രതിഷ്ഠിച്ച അമ്മ ത്രേസ്യയുടെ തിരുസ്വരൂപം ഇടവക വികാരി ഫാ. വിൻസെന്റ് പുളിക്കൽ ആൾത്താരയിലെ രഹസ്യ അറയിലേക്ക് മാറ്റുന്നതോടെ ഈ വർഷത്തെ തിരുനാൾ ആഘോഷത്തിന് കൊടിയിറങ്ങും. കോവിഡിന് ശേഷം നടന്ന തിരുനാളിൽ നിരവധി ഭക്തജനങ്ങളാണ് എത്തിയത്. അവസാന ദിവസങ്ങളിലും തിരുസ്വരൂപത്തിൽ മാല ചാർത്തി വണങ്ങുവാൻ ഭക്തരുടെ നീണ്ട നിരയാണ് അനുഭവപ്പെടുന്നത്.