കണ്ണൂർ: കുളിമുറിയിൽ തലയിടിച്ച് വീണതിനെത്തുടർന്ന് ചികിത്സയിലായിരുന്ന അസം റൈഫിൾസ് സുബേദാർ പി. വി.ഉല്ലാസ് (48) മരണപ്പെട്ടു. ധർമശാല “നിഫ്റ്റി’ന് സമീപത്തെ ഏരുമ്മൽ അപ്പ നായരുടെയും പുത്തൻവീട്ടിൽ പുഷ്പവല്ലിയുടെയും മകനാണ്.
ഷില്ലോങ് സൈനിക ആസ്പത്രിയിൽ വെള്ളിയാഴ്ച രാവിലെയാണ് അന്ത്യം. ദീർഘകാലമായി അസം റൈഫിൾസിൽ സേവനം നടത്തുന്ന ഉല്ലാസ് കഴിഞ്ഞ ഏപ്രിലിൽ അവധിക്ക് നാട്ടിൽ വന്ന് മടങ്ങിയതായിരുന്നു.
ഭൗതികശരീരം ശനിയാഴ്ച വൈകീട്ട് കണ്ണൂർ വിമാനത്താവള ത്തിലെത്തിക്കും. തുടർന്ന് സൈനികരു ടെ അകമ്പടിയോടെ കടമ്പേരിയിലെ വീട്ടിലെതിക്കും. പൂർണ സൈനിനിക ബഹുമതികളോടെ വൈകീട്ട് അഞ്ചിന് കടമ്പേരി പൊതുശ്മശാനത്തിൽ സംസ്കരിക്കും.
ഭാര്യ: സിമി ഉല്ലാസ്. മകൾ: ലക്ഷ്മി നന്ദ (ബിരുദ വിദ്യാർഥിനി, പയ്യന്നൂർ കോളേജ്)