കണ്ണൂർ: കണ്ണൂര്‍, കാസര്‍ഗോഡ്, വയനാട്, കോഴിക്കോട് ജില്ലകള്‍ ഉള്‍ക്കൊള്ളുന്ന ലയണ്‍സ് ക്ലബ് ഡിസ്ട്രിക്ട് 318 ഇയുടെ ഈ വര്‍ഷത്തെ ശ്രേഷ്ഠ സേവാ അവാര്‍ഡ് മലബാര്‍ കാന്‍സര്‍ കെയര്‍ സൊസൈറ്റി പ്രസിഡന്‍റ് ഡി.കൃഷ്ണനാഥ പൈക്ക്. ആതുരസേവന രംഗത്തെ പ്രത്യേകിച്ച് കാന്‍സര്‍ നിയന്ത്രണ രംഗത്തെ 33 വര്‍ഷത്തെ സേവന പ്രവര്‍ത്തനങ്ങളും കണ്ണൂര്‍ ജില്ലയില്‍ നടത്തിയ ജലസംരക്ഷണ രംഗത്തെ പ്രവര്‍ത്തനങ്ങളും കണക്കിലെടുത്താണ് അവാര്‍ഡ്. ഡിസ്ട്രിക്ട് കാബിനറ്റ് സ്ഥാനാരോഹണ ചടങ്ങില്‍ പിഎംഎല്‍എല്‍ ഡിസ്ട്രിക്ട് അഡ്വൈസര്‍ ഡോ.എസ്.നാഗരാജാറാവും ഡിസ്ട്രിക്ട് ഗവര്‍ണര്‍ ഡോ.സുചിത്ര സുധീറും സംയുക്തമായി അവാര്‍ഡ് സമ്മാനിച്ചു.