മരങ്ങൾ കടുപുഴകി വീടിനു മുകളിൽ വീണ് യുവതിക്ക് പരിക്ക്

ചെറുപുഴ: മരങ്ങൾ കടുപുഴകി വീടിനു മുകളിൽ വീണ് യുവതിക്ക് പരിക്ക്. കോഴിച്ചാലിൽ മീൻതുള്ളിയിലേ കൊച്ചുകരയിൽ ഓമനയുടെ വീടിൻറെ മുകളിൽ ആണ് മരം വീണത്. ശനിയാഴ്ച പുലർച്ചെ ഒരു മണിയോടെയാണ് സംഭവം. ഉറങ്ങിക്കിടക്കുകയായിരുന്ന ഓമനയുടെ മകൻ അഭിലാഷിന്റെ ഭാര്യ സോഫിയക്ക് പരിക്കേറ്റു. മൂന്നും പത്തും വയസ്സുള്ള രണ്ടു കുട്ടികളും അഭിലാഷും അത്ഭുതകരമായി രക്ഷപ്പെട്ടു. പരിക്കേറ്റ സോഫിയ പയ്യന്നൂരിലെ സ്വകാര്യ ആശുപത്രിയിൽ ചികിത്സയിലാണ്. പ്ലാവ്, തേക്ക്,കവുങ്ങ് ഉൾപ്പെടെ ഉള്ള മരങ്ങളാണ് വീടിനു മുകളിൽ വീണത്. വീടിൻറെ മേൽക്കൂര പൂർണമായും തകർന്നു. പഞ്ചായത്ത്, വില്ലേജ് അധികൃതർ സ്ഥലം സന്ദർശിച്ചു.