ഇടുക്കി ചിന്നക്കനാലിൽ ഇരുചക്രവാഹനം മറിഞ്ഞുണ്ടായ അപകടത്തിൽ നാലു വയസ്സുള്ള കുട്ടി അടക്കം മൂന്ന് പേർ മരിച്ചു. ചിന്നക്കനാൽ തിടിനഗർ സ്വദേശികളായ അഞ്ജലി (25), മകൾ അമേയ (4), ജെൻസി (21) എന്നിവരാണ് മരിച്ചത്. ടാങ്ക് കുടിക്ക് സമീപം നിയന്ത്രണം നഷ്ടമായി വാഹനം അപകടത്തിൽ പെടുകയായിരുന്നു. കൊടും വളവും ഇറക്കവും ഉള്ള പ്രദേശമാണ് ഇവിടം. നിയന്ത്രണം നഷ്ടമായ വാഹനം റോഡിൽ മറിയുകയായിരുന്നു.