34.5 C
Iritty, IN
April 13, 2024
  • Home
  • Uncategorized
  • കുട്ടപ്പൻ സിറ്റിയിൽ അതിർത്തി തർക്കം, ചെറിയ വഴക്ക് വലുതായി; രാത്രി യുവാവിനെ വെട്ടി അയൽവാസി, ഗുരുതര പരിക്ക്
Uncategorized

കുട്ടപ്പൻ സിറ്റിയിൽ അതിർത്തി തർക്കം, ചെറിയ വഴക്ക് വലുതായി; രാത്രി യുവാവിനെ വെട്ടി അയൽവാസി, ഗുരുതര പരിക്ക്

മൂന്നാർ: ഇടുക്കി കരിമ്പനിൽ അതിർത്തി തർക്കത്തെ തുടർന്ന് യുവാവിനെ അയൽവാസി വെട്ടി പരിക്കേൽപ്പിച്ചു. കുട്ടപ്പൻ സിറ്റി സ്വദേശിയായ ഷെറിനാണ് വെട്ടേറ്റത്. സംഭവത്തിൽ അയൽവാസി സണ്ണിയെ ഇടുക്കി പൊലീസ് അറസ്റ്റ് ചെയ്തു. ശനിയാഴ്ച രാത്രി പത്തുമണിയോടെയാണ് സംഭവം നടന്നത്. കഴിഞ്ഞ ഒരു വർഷമായി സണ്ണിയും ഷെറിന്‍റെ കുടുംബവും തമ്മിൽ അതിർത്തി തർക്കവുമായി ബന്ധപ്പെട്ട പ്രശ്നങ്ങളുണ്ടായിരുന്നുവെന്ന് പൊലീസ് പറയുന്നു.

ഇരുവീട്ടുകാരും തമ്മിൽ അതിർത്തിയെ ചൊല്ലി കാലങ്ങളായി വഴക്ക് പതിവാണെന്ന് പ്രദേശവാസികളും പറയുന്നു. സംഭവ ദിവസവും സണ്ണിയും ഷെറിന്‍റെ കുടുംബവും തമ്മിൽ വഴക്കുണ്ടായി. വാക്ക് തർക്കത്തിനൊടുവിൽ ഷെറിനെ സണ്ണി വാക്കത്തി കൊണ്ട് വെട്ടി പരിക്കേൽപ്പിച്ചുവെന്നാണ് പരാതി. വെട്ടേറ്റ് തലയ്ക്കും തോളിനും ഗുരുതരമായി പരിക്കേറ്റ ഷെറിനെ തൊടുപുഴയിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്.

അക്രമണത്തിന് മുമ്പ് സണ്ണിയുടെ മരുമകൻ ടോണി ഷെറിനെ വാഹനം ഇടിപ്പിച്ച് കൊലപ്പെടുത്താൻ ശ്രമിച്ചതായും പരാതിയുണ്ട്. ഷെറിന്‍റെ പിതാവ് ഈപ്പച്ചനും സഹോദരനും ശനിയാഴ്ച നടന്ന ആക്രമണത്തിൽ നിന്ന് തലനാരിഴയ്ക്കാണ് രക്ഷപ്പെട്ടത്. ഷെറിനെ ആക്രമിക്കുന്നത് തടയാനെത്തിയ ഇവർക്ക് നേരെയും സണ്ണി വാക്കത്തി വീശിയിരുന്നു. സംഭവത്തിൽ വധശ്രമം ഉൾപ്പെടെയുള്ള വകുപ്പുകളാണ് സണ്ണിക്കെതിരെ ചുമത്തിയിരിക്കുന്നതെന്ന് പൊലീസ് പറഞ്ഞു. പ്രതിയെ സംഭവസ്ഥലത്ത് എത്തിച്ച് തെളിവെടുപ്പ് നടത്തിയ ശേഷം കോടതിയിൽ ഹാജരാക്കി റിമാൻഡ് ചെയ്തു.

Related posts

കൂത്തുപറമ്പിൽ ഓട്ടോറിക്ഷയ്ക്ക് തീപിടിച്ച് മരിച്ചത് പാലോട് സ്വദേശികളായ യുവാക്കൾ …… Read more at: https://malayorashabdam.truevisionnews.com/news/153483/accident

Aswathi Kottiyoor

വൈദ്യുതി ബിൽ 2000ൽനിന്ന് 56,000; തൊടുപുഴയിൽ വീണ്ടും KSEB കൊള്ള

Aswathi Kottiyoor

ജനവിധിക്ക് സ്വാഗതം, ഈ തോൽവി അന്തിമമല്ല, പാർട്ടിയെ ശക്തിപ്പെടുത്തും; തെരഞ്ഞെടുപ്പ് പരാജയത്തിൽ കുമാരസ്വാമി

Aswathi Kottiyoor
WordPress Image Lightbox