റബ്ബർ ടാപ്പിംഗിന് പോയ കർഷകനെ മാൻ കൂട്ടം ഇടിച്ചു വീഴ്ത്തി.

മുള്ളൻകൊല്ലി ചണ്ണോത്തുകൊല്ലി നടുക്കുടിയിൽ ശശാങ്കനാണ് പരിക്കേറ്റത്. രാവിലെ 6 മണിയോടെ വണ്ടിക്കടവ് തീരദേശ പാതയിലായിരുന്നു അപകടം. തോട്ടത്തിൽ നിന്ന് കൂട്ടമായി ഓടിയിറങ്ങിയ മാൻ കൂട്ടം ശശാങ്കന്റെ സ്കൂട്ടർ ഇടിച്ച് തെറിപ്പിക്കുകയായിരുന്നു. റോഡിലേക്ക് തെറിച്ചുവീണ ശശാങ്കന്റെ തലയ്ക്കും വലതുകൈയ്ക്കും പരിക്കേറ്റു.ഇദ്ദേഹത്തെ മേപ്പാടിയിലെ സ്വകാര്യ മെഡിക്കൽ കോളേജിൽ പ്രവേശിപ്പിച്ചു.