ചലച്ചിത്ര പ്രവർത്തകനും നടനുമായ സതീഷ് അമ്പാടി അന്തരിച്ചു;

കോഴിക്കോട് : ചലച്ചിത്ര പ്രവർത്തകനും നടനുമായ സതീഷ് അമ്പാടി അന്തരിച്ചു . കോഴിക്കോട്ടെ സ്വകാര്യ ആശുപത്രിയിൽ വെച്ചായിരുന്നു അന്ത്യം .
ഒട്ടേറെ ചിത്രങ്ങളിൽ വേഷമിട്ട സതീഷ് അമ്പാടിക്ക് മാക്ട നടത്തിയ ഹ്രസ്വ ചലചിത്ര മേളയിലെ ഏറ്റവും മികച്ച നടനുള്ള പുരസ്‌കാരം “കാക്ക” എന്ന ചിത്രത്തിലെ പ്രകടനത്തിന് ലഭിച്ചിരുന്നു . രാജ്യാന്തര ചലച്ചിത്ര മേളകളിൽ ശ്രദ്ധ നേടിയ പുള്ള് എന്ന ചിത്രത്തിലെ അച്ഛൻ കഥാപാത്രം ഏറെ നിരൂപക പ്രശംസ പിടിച്ചുപറ്റി . ചലച്ചിത്ര പഠന കൂട്ടായ്മയായ ഫസ്റ്റ് ക്ലാപ്പിന്റെ സജീവ പ്രവർത്തകനായിരുന്നു .
സംസ്കാര ചടങ്ങുകൾ നാളെ സ്വവസതിയിലെ പൊതുദർശനത്തിന് ശേഷം വീട്ടുവളപ്പിൽ നടക്കും .