പേരാവൂർ : ജോലി കഴിഞ്ഞ് വരവെ ബൈക്ക് പന്നിക്കിടിച്ച് ബൈക്ക് യാത്രക്കാരനായ യുവാവിന് പരിക്കേറ്റു. പേരാവൂർ തെരു സ്വദേശി ചേമ്പൻ ഹൌസിൽ സി. അരുണിനാണ് (32) കണ്ണവം – ഇടുമ്പ റോഡിൽ വെച്ചുണ്ടായ അപകടത്തിൽ പരിക്കേറ്റത്. കൈക്ക് പരിക്കേറ്റ അരുണിനെ പേരാവൂരിലെ സ്വകാര്യാസ്പത്രിയിൽ പ്രവേശിപ്പിച്ചു. ചൊവ്വാഴ്ച രാത്രി എട്ട് മണിയോടെയാണ് സംഭവം. കണ്ണൂരിൽ നിന്ന് നാട്ടിലേക്ക് വരവെ കണ്ണവം – ഇടുമ്പ വഴി തൃക്കടാരിപ്പൊയിലിലേക്കുള്ള യാത്രക്കിടെയാണ് കാട്ടുപന്നി ബൈക്കിന് മുന്നിൽ ചാടി അപകടമുണ്ടായത്.