പത്തനംതിട്ട ളാഹയിൽ ശബരിമല തീർഥാടകർ സഞ്ചരിച്ചിരുന്ന ബസ് അപകടത്തിൽ പെട്ട് ഗുരുതര പരിക്കേറ്റ 10 വയസുകാരൻ അപകടനില തരണം ചെയ്തു. ആശങ്കപ്പെടേണ്ട സാഹചര്യമില്ലെന്ന് മന്ത്രി വി.എൻ വാസവൻ അറിയിച്ചു.
കോട്ടയം മെഡിക്കൽ കോളജിൽ ഉടൻ ശസ്ത്രക്രിയയ്ക്ക് വിധേയനാക്കുന്ന കുട്ടിക്ക് തലയ്ക്ക് കാര്യമായ പരിക്കില്ലെന്നാണ് പരിശോധനയിൽ വ്യക്തമായിരിക്കുന്നത്.
അവസാനം രക്ഷപ്പെടുത്തിയ ഗോപി എന്നയാളുടെ കൈക്ക് ഗുരുതര പരിക്കുണ്ട്. ചിലപ്പോൾ കൈപ്പത്തി മുറിച്ച് മാറ്റേണ്ട സ്ഥിതിയാണ്. മറ്റ് മൂന്ന് പേർക്ക് കാര്യമായ പരിക്കില്ലെന്നും ആശുപത്രി അധികൃതർ അറിയിച്ചു.