കേളകം: കേളകം പഞ്ചായത്ത് വിഭാവനം ചെയ്യുന്ന ഫാം ടൂറിസം പദ്ധതി സമീപ ഭാവിയിൽ തന്നെ നടപ്പാവുമെന്നും ടൂറിസം മേഖലയിൽ കേളകം മോഡൽ ശ്രദ്ധേയമായി മാറുമെന്നും ജില്ലാ കളക്ടർ എസ്. ചന്ദ്രശേഖർ. ഫാം ടൂറിസം പദ്ധതികളുടെ ഭാഗമായി അടയ്ക്കാത്തോട് മേഖലയിൽ സന്ദർശനം നടത്തിയ ശേഷം ചേർന്ന യോഗത്തിൽ അധ്യക്ഷത വഹിച്ചു സംസാരിക്കുകയായിരുന്നു അദ്ദേഹം.
പള്ളി വാതുക്കൽ ഇട്ടിയവിരയുടെ ഗൃഹാങ്കണത്തിൽ ചേർന്ന യോഗത്തിൽ മേഖലയിലെ ടൂറിസ്റ്റ് കേന്ദ്രങ്ങളുടെ വീഡിയോ പ്രദർശനവും നടത്തി. പഞ്ചായത്ത് പ്രസിഡന്റ് സി.ടി.അനീഷ് പദ്ധതി വിശദീകരണം നടത്തി. മലബാർ ടൂറിസം കൗൺസിൽ സെക്രട്ടറി, കണ്ണൂർ ടൂർസ് ആൻഡ് ഹോളിഡേസ് മാനേജിഗ് പാർട്ട്ണർ ഷൈൽ മുണ്ടക്കൽ , ഹരിതകേരളം മിഷന് ജില്ലാ കോ-ഓര്ഡിനേറ്റര് ഇ.കെ. സോമശേഖരന്, പി.എം. രമണൻ , കൃഷി ഓഫീസർ കെ.ജി.സുനിൽ , ഇ.എസ്. സത്യൻ, ജനപ്രപതിനിധികൾ തുടങ്ങിയവർ പങ്കെടുത്തു.