പോക്‌സോ കേസ് അതിജീവിതയെ പോലീസുകാരന്‍ പീഡിപ്പിക്കാന്‍ ശ്രമിച്ചെന്ന കേസില്‍ പ്രതി ടി.ജി.ബാബുവിന്‍റെ മുന്‍കൂര്‍ ജാമ്യാപേക്ഷ കോടതി തള്ളി. കല്‍പ്പറ്റ പോക്‌സോ കോടതിയാണ് ജാമ്യാപേക്ഷ തള്ളിയത്.
കഴിഞ്ഞ ജൂലൈ 26നാണ് കേസിന് ആസ്പദമായ സംഭവം. പോക്‌സോ കേസിലെ അതിജീവിതയായ പതിനാറുകാരിയെ ഊട്ടിയില്‍ തെളിവെടുപ്പിന് കൊണ്ടുപോകുന്നതിനിടെ പെണ്‍കുട്ടിയുടെ ദൃശ്യങ്ങള്‍ ഫോണില്‍ പകര്‍ത്തുകയും കൈയില്‍ കയറി പിടിക്കുകയുമായിരുന്നു. സംഭവത്തില്‍ അമ്പലവയല്‍ എഎസ്‌ഐ ടി.ജി.ബാബുവിനെ സസ്‌പെന്‍ഡ് ചെയ്തിരുന്നു.