കണ്ണൂര്‍: ജില്ലാ കോണ്‍ഗ്രസ് കമ്മിറ്റി ഓഫീസ് നിര്‍മിക്കാനായി സ്വന്തം വീടു വിറ്റ സതീശന്‍ പാച്ചേനിയുടെ കുടുംബത്തിന് കോണ്‍ഗ്രസ് വീട് നിർമിച്ചുനല്‍കുമെന്ന് കെപിസിസി പ്രസിഡന്‍റ് കെ. സുധാകരൻ എംപി. പാച്ചേനിയുടെ സംസ്‌കാരച്ചടങ്ങുകള്‍ക്കുശേഷം പയ്യാമ്പലത്ത് നടന്ന സർവകക്ഷി അനുശോചനയോഗത്തില്‍ സംസാരിക്കവെയാണ് കെ. സുധാകരൻ ഇക്കാര്യം അറിയിച്ചത്. കോണ്‍ഗ്രസ് വില്ല എന്നപേരിലായിരിക്കും വീട്. പണം തിരിച്ചുലഭിക്കുമെന്ന് കണ്ടല്ല സതീശന്‍ തളിപ്പറമ്പിലെ സ്വന്തം വീട് വിറ്റതെന്നും അദ്ദേഹത്തിന്‍റെ കുടുംബത്തിന്‍റെ എല്ലാ ബാധ്യതകളും പാര്‍ട്ടി ഏറ്റെടുക്കുമെന്നും സുധാകരന്‍ പറഞ്ഞു.
പാച്ചേനിയുടെ കുടുംബത്തിന് വീട് നിർമിച്ചുനൽകും: കെ. സുധാകരൻ
