കാട്ടാനകൾ തങ്ങുന്ന ആറളം ഫാം ആദിവാസി മേഖലയിലെയും കൃഷിഫാമിലെയും പൊന്തക്കാടുകൾ വെട്ടിത്തെളിക്കാൻ തുടങ്ങി. ആറുമാസം മുമ്പത്തെ തീരുമാനമാണ് നടപ്പാവുന്നത്. അടുത്ത കാലത്ത് കാട്ടാന ആക്രമണത്തിൽ പി എ ദാമുവും വാസുവും കൊല്ലപ്പെട്ടിരുന്നു.
ബ്ലോക്ക് ഏഴ്, ഒമ്പത് എന്നിവിടങ്ങളിലും ഫാമിലെ മറ്റ് ബ്ലോക്കുകളിലും ഇടതൂർന്ന് വളരുന്ന കാട് തെളിക്കാതെ ആനകളെ നിയന്ത്രിക്കാനും തുരത്താനും സാധിക്കില്ലെന്ന് ഫാം ജീവനക്കാരും തൊഴിലാളികളും ആദിവാസി കുടുംബങ്ങളും നേരത്തെ പറയുന്നതാണ്.
കാട് തെളിക്കാൻ കലക്ടർ ഉൾപ്പെടെ നിർദേശിച്ചെങ്കിലും നടപ്പായില്ല. വ്യാപക പ്രതിഷേധം ഉയർന്നതോടെയാണ് കാടുവെട്ടാൻ തുടങ്ങിയത്.
previous post