സംസ്ഥാനത്തെ റോഡുകൾ ഡിസൈൻഡ് റോഡുകളാക്കുക എന്നതാണ് സർക്കാരിന്റെ ലക്ഷ്യമെന്നു പൊതുമരാമത്ത് മന്ത്രി പി.എ. മുഹമ്മദ് റിയാസ്. മോൻസ് ജോസഫിന്റെ ശ്രദ്ധക്ഷണിക്കലിനു മറുപടിയായാണ് മന്ത്രി ഇക്കാര്യം അറിയിച്ചത്.
ബിഎം-ബിസി പോലുള്ള മികച്ച നിലവാരം, ആവശ്യമായ ഡ്രെയിനേജ്, സുരക്ഷാ സംവിധാനം എന്നിവയോടു കൂടിയ റോഡുകൾ വേണം . വാഹന സാന്ദ്രതയ്ക്ക് അനുസരിച്ച് ഭാരം താങ്ങാനും റോഡുകൾക്ക് കഴിയണം. വാഹനപെരുപ്പത്തിനനുസരിച്ച് ആവശ്യമായ വീതി ഉണ്ടെങ്കിൽ മാത്രമേ നമുക്ക് റോഡുകൾ മികച്ച നിലയിൽ നിലനിർത്താൻ കഴിയൂ എന്നതും യാഥാർഥ്യമാണ്.
പൊതുമരാമത്ത് വകുപ്പിന് കീഴിലുള്ള 29522.15 കിലോ മീറ്റർ റോഡും മികച്ച നിലവാരത്തിൽ പുനർനിർമിക്കുക എന്നതാണ് ലക്ഷ്യമെന്നും മന്ത്രി വ്യക്തമാക്കി.