കേളകം: ഉന്നത വിദ്യാഭ്യാസ സ്ഥാപനം, ജൈവ വൈവിധ്യ പാർക്ക്, വിനോദവിജ്ഞാന കേന്ദ്രം തുടങ്ങിയ പദ്ധതികൾ സമയബന്ധിതമായി നടപ്പാക്കാൻ കേളകം പഞ്ചായത്ത് വികസന സമിതി യോഗത്തിൽ തീരുമാനം. കേളകം ഗ്രാമപഞ്ചായത്ത് ഓഫീസിൽ ചേർന്ന യോഗത്തിൽ പഞ്ചായത്തിൽ നടപ്പാക്കാൻ ലക്ഷ്യമിടുന്ന വികസന പദ്ധതികൾ വേഗത്തിലാക്കാൻ തീരുമാനിച്ചു. വിദ്യാഭ്യാസം, ടൂറിസം, ആരോഗ്യം, കായികം തുടങ്ങി വികസന പ്രവർത്തനങ്ങൾക്ക് ഭൂമി വിലയ്ക്ക് വാങ്ങാൻ ജനകീയഫണ്ട് ശേഖരണം നടത്താനും തീരുമാനിച്ചു.
കേളകം പഞ്ചായത്ത് പ്രസിഡന്റ് സി.ടി. അനീഷ് അധ്യക്ഷത വഹിച്ചു. വികസന സമിതി കൺവീനർ ജോർജ് കുട്ടി കുപ്പക്കാട്ട് പദ്ധതി വിശദീകരണം നടത്തി. വൈസ് പ്രസിഡന്റ് തങ്കമ്മ മേലെക്കുറ്റ്, പഞ്ചായത്ത് മെംബർമാരായ ടോമി , ജോർജ്കുട്ടി വാളു വെട്ടിക്കൽ, എസ്.ടി. രാജേന്ദ്രൻ, എം. രമണൻ, എം.വി. മാത്യു മനക്കൽ, കെ.എം. അബ്ദുൽ അസീസ്, പൈലി വാത്യാട്ട്, കെ.പി. ഷാജി തുടങ്ങിയവർ പ്രസംഗിച്ചു.
previous post