• Home
  • Kerala
  • വിരമിച്ചവര്‍ക്കും വിരമിക്കാന്‍ പോകുന്നവര്‍ക്കും രാജ്യത്ത് ഒരു വിലയുമില്ല- ചീഫ് ജസ്റ്റിസ് രമണ.*
Kerala

വിരമിച്ചവര്‍ക്കും വിരമിക്കാന്‍ പോകുന്നവര്‍ക്കും രാജ്യത്ത് ഒരു വിലയുമില്ല- ചീഫ് ജസ്റ്റിസ് രമണ.*

*വിരമിച്ചവര്‍ക്കും വിരമിക്കാന്‍ പോകുന്നവര്‍ക്കും രാജ്യത്ത് ഒരു വിലയുമില്ല- ചീഫ് ജസ്റ്റിസ് രമണ.*
ന്യൂഡല്‍ഹി: വിരമിച്ചവര്‍ക്കും വിരമിക്കാന്‍ പോകുന്നവര്‍ക്കും രാജ്യത്ത് ഒരു വിലയുമില്ലെന്ന് ചീഫ് ജസ്റ്റിസ് എന്‍. വി. രമണയുടെ നിരീക്ഷണം. രാഷ്ട്രീയ പാര്‍ട്ടികള്‍ പ്രഖ്യാപിക്കുന്ന തിരഞ്ഞെടുപ്പ് സൗജന്യങ്ങള്‍ക്ക് എതിരായ ഹര്‍ജി പരിഗണിക്കുമ്പോഴാണ് ചീഫ് ജസ്റ്റിസ് ഈ അഭിപ്രായം പ്രകടിപ്പിച്ചത്. വെള്ളിയാഴ്ചയാണ് ചീഫ് ജസ്റ്റിസ് എന്‍.വി രമണ വിരമിക്കുന്നത്.

ഹര്‍ജി പരിഗണിക്കുന്ന വേളയില്‍ തിരഞ്ഞെടുപ്പ് സൗജന്യങ്ങളേക്കുറിച്ച് പഠിക്കാന്‍ സമിതി രൂപവത്കരിക്കണമെന്ന് സീനിയര്‍ അഭിഭാഷകന്‍ വികാസ് സിങ് ആവശ്യപ്പെട്ടിരുന്നു. സുപ്രീം കോടതിയില്‍നിന്ന് വിരമിച്ച ചീഫ് ജസ്റ്റിസ് ആര്‍. എം. ലോധയാണ് സമിതിക്ക് നേതൃത്വം നല്‍കേണ്ടതെന്നും വികാസ് സിങ് പറഞ്ഞു. തുടര്‍ന്നാണ് വിരമിച്ചവര്‍ക്കും, വിരമിക്കുന്നവര്‍ക്കും ഒരു വിലയും രാജ്യത്ത് ഇല്ലെന്ന് ചീഫ് ജസ്റ്റിസ് അഭിപ്രായപ്പെട്ടത്.തിരഞ്ഞെടുപ്പ് സൗജന്യങ്ങളേക്കുറിച്ച് ചര്‍ച്ചചെയ്യാന്‍ കേന്ദ്ര സര്‍ക്കാര്‍ എന്തുകൊണ്ടാണ് സര്‍വ്വകക്ഷി യോഗം വിളിക്കാത്തതെന്നും ചീഫ് ജസ്റ്റിസ് അധ്യക്ഷനായ ബെഞ്ച് ആരാഞ്ഞു. എന്നാല്‍ പല രാഷ്ട്രീയ പാര്‍ട്ടികളും തിരഞ്ഞെടുപ്പ് സൗജന്യങ്ങള്‍ പ്രഖ്യാപിക്കുന്നതിന് എതിരെ കോടതിയെ സമീപിച്ചിതായും അതിനാല്‍ സര്‍വ്വകക്ഷി യോഗം ഫലപ്രദമാകില്ലെന്നും സോളിസിറ്റര്‍ ജനറല്‍ ചൂണ്ടിക്കാട്ടി.

തിരഞ്ഞെടുപ്പ് സൗജന്യങ്ങളുമായി ബന്ധപ്പെട്ട കേസ് ജസ്റ്റിസ് ഡി. വൈ. ചന്ദ്രചൂഡ് അധ്യക്ഷനായ ബെഞ്ച് പരിഗണിക്കുമെന്നും ചീഫ് ജസ്റ്റിസ് അറിയിച്ചു. നേരത്തെ തമിഴ്‌നാട്ടില്‍ തിരഞ്ഞെടുപ്പ് കാലത്ത് സൗജന്യം നല്‍കിയതുമായി ബന്ധപ്പെട്ട കേസ് പരിഗണിച്ച് വിധിപറഞ്ഞ ബെഞ്ചിലെ അംഗമായിരുന്നു ജസ്റ്റിസ് ചന്ദ്രചൂഡ്. ആ ബെഞ്ചിന് നേതൃത്വം നല്‍കിയിരുന്ന ചീഫ് ജസ്റ്റിസ് ദീപക് മിശ്രയും ബെഞ്ചില്‍ അംഗമായിരുന്ന ജസ്റ്റിസ് എ എം ഖാന്‍വില്‍ക്കറും വിരമിച്ചു. അതിനാലാണ് ജസ്റ്റിസ് ചന്ദ്രചൂഡ് അധ്യക്ഷനായ ബെഞ്ച് മൂന്ന് അംഗ ബെഞ്ച് പരിഗണിക്കുന്നതെന്ന് ചീഫ് ജസ്റ്റിസ് അറിയിച്ചു.

Related posts

തെ​ര​ഞ്ഞെ​ടു​പ്പു പ്ര​ഖ്യാ​പ​ന​ത്തി​നു ശേ​ഷം ക​ട​മെ​ടു​പ്പ് 7,000 കോ​ടി

Aswathi Kottiyoor

സന്തോഷ് ട്രോഫി : കളംനിറയെ കേരളം ; കർണാടകയെ 7–3ന് തകർത്തു

Aswathi Kottiyoor

പട്ടികവർഗ വിദ്യാർഥികൾക്ക്‌ 37,717 ലാപ്‌ടോപ്

Aswathi Kottiyoor
WordPress Image Lightbox