സംസ്ഥാനം പനിക്കിടക്കയില്. കോവിഡിനെക്കാള് വേഗത്തില് വൈറല് പനി പടരുകയാണ്. ഡെങ്കിപ്പനിയും എലിപ്പനിയും റിപ്പോര്ട്ട് ചെയ്യുന്നു.
ആശുപത്രികള്ക്ക് താങ്ങാനാവാത്ത വിധത്തില് പനി ബാധിതരുടെ എണ്ണം കൂടുകയാണ്. ദിവസേന 12000 ത്തിന് മുകളില് രോഗികള് വൈറല് പനി ബാധിതരായി ചികിത്സ തേടുന്നുണ്ടെന്നാണ് കണക്കുകള്. സ്വകാര്യ ആശുപത്രികളിലെ കണക്ക് കൂടിയാകുമ്ബോള് ഈ കണക്ക് കുതിക്കും.
ഇപ്പോഴത്തെ പനി പകര്ച്ച ഡെങ്കിപ്പനി വ്യാപനമാകാമെന്നാണ് വിദഗ്ധരുടെ മുന്നറിയിപ്പ്. കേരളത്തില് മഴക്കാലത്ത് ഉണ്ടാകുന്ന പനികളില് 15 മുതല് 20 ശതമാനം വരെ ഡെങ്കിപ്പനി ആകാമെന്ന പഠനങ്ങളാണ് ഈ വിലയിരുത്തലിന് അടിസ്ഥാനം. അങ്ങനെ എങ്കില് തുടക്കത്തിലേ രോഗം സ്ഥിരീകരിച്ചില്ലെങ്കില് രോഗ വ്യാപനം രൂക്ഷമാകും.ഡെങ്കിപ്പനി ഒരിക്കല് ബാധിച്ചവര്ക്ക് വീണ്ടും രോഗം വന്നാല് അത് ഗുരുതരമാകാനും മരണത്തിലേക്ക് നയിക്കാനും സാധ്യതയുണ്ട്. ഇപ്പോള് അത്തരത്തിലുള്ള ഒരു സാഹചര്യമുണ്ടെന്നാണ് വിദഗ്ധര് മുന്നറിയിപ്പ് നല്കുന്നത്.