കണ്ണൂർ: കാസർഗോഡ് മുതൽ തിരുവനന്തപുരം വരെയുള്ള ആറു വരി ദേശീയ പാതയുടെ നിർമാണം മറ്റ് പ്രശ്നങ്ങൾ ഇല്ലെങ്കിൽ 2025ഓടെ പൂർത്തിയാകുമെന്ന് പൊതുമരാമത്ത് മന്ത്രി പി.എ. മുഹമ്മദ് റിയാസ്. കിഫ്ബി ഫണ്ട് ഉപയോഗിച്ച് നവീകരിച്ച മയ്യില്-കാഞ്ഞിരോട് റോഡ് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
തളിപ്പറമ്പ, കണ്ണൂർ നിയോജക മണ്ഡലത്തെ ബന്ധിപ്പിച്ച് മയ്യിൽ, കുറ്റിയാട്ടൂർ, മുണ്ടേരി, കൂടാളി പഞ്ചായത്തുകളിലൂടെ കടന്നു പോകുന്ന റോഡ് 24.55 കോടി രൂപ ഉപയോഗിച്ചാണ് നവീകരിച്ചത്.മയ്യിൽ ടൗണിൽ നിന്നും ആരംഭിച്ച് ചെറുവത്തല മൊട്ട വഴി മായിൻ മുക്കിൽ എത്തുന്ന റോഡിന് 9.7 കിലോ മീറ്റർ നീളവും പത്ത് മീറ്റർ വീതിയുമുണ്ട്. പയ്യന്നൂർ, തളിപ്പറമ്പ ഭാഗത്തുള്ളവർക്ക് കണ്ണൂർ വിമാനത്താവളത്തിൽ എത്തിച്ചേരാനുള്ള എളുപ്പ വഴികളിൽ ഒന്നാണിത്. കട്ടോളിയിൽ നടന്ന ചടങ്ങില് മന്ത്രി എം.വി. ഗോവിന്ദന് അധ്യക്ഷത വഹിച്ചു. കെ ആര് എഫ് ബി പി എം യു എക്സിക്യുട്ടീവ് എൻജി നിയർ എം. ബിന്ദു റിപ്പോര്ട്ട് അവതരിപ്പിച്ചു. കടന്നപ്പള്ളി രാമചന്ദ്രന് എംഎൽഎ വിശി ഷ്ടാതിഥി യായിരുന്നു.
previous post