കൊട്ടിയൂർ: പാൽച്ചുരത്ത് വീണ്ടും കടുവയുടേതെന്ന് സംശയിക്കുന്ന കാൽപ്പാടുകൾ കണ്ടെത്തി. പാൽച്ചുരം സ്വദേശി ഉറുമ്പിൽ തങ്കച്ചന്‍റെ കൃഷിയിടത്തിലാണ് കാൽപ്പാടുകൾ കണ്ടെത്തിയത്. കഴിഞ്ഞ ദിസങ്ങളിൽ ബോയ്സ് ടൗൺ ഭാഗങ്ങളിൽ വാഹനയാത്രക്കാർ കടുവ റോഡ് മുറിച്ച് കടക്കുന്നതായി കാണുകയും നവമാധ്യമങ്ങളിൽ യാത്രക്കാർ ശ്രദ്ധിക്കണമെന്ന്‌ സന്ദേശം പ്രചരിക്കുകയും ചെയ്തിരുന്നു.
മാസങ്ങൾക്ക് മുമ്പ് പാൽച്ചുരം പുതിയങ്ങാടി ഭാഗങ്ങളിൽ വളർത്തുമൃഗങ്ങളെ ആക്രമിച്ച് കൊല്ലുകയും ചെയ്തിരുന്നു. വനം വകുപ്പ് കാമറ സ്ഥാപിക്കുകയും കൂട് സ്ഥാപിച്ച് കടുവയെ പിടികൂടാം എന്ന് ഉറപ്പ് നല്കുകയും ചെയ്തിരുന്നു. എന്നാൽ തുടർനടപടി ഒന്നും ഉണ്ടായില്ല.
പാൽച്ചുരത്ത് വീണ്ടും കടുവാ ഭീതി
