കോട്ടയത്തു നിന്ന് വിനോദയാത്രയ്ക്ക് പോയ മൂന്നു വിദ്യാർഥികൾ മുങ്ങിമരിച്ചു

കോട്ടയത്തു നിന്ന് കർണാടകയിലെ മണിപ്പാലിലേക്ക് വിനോദയാത്രയ്ക്കു പോയ സംഘത്തിലെ മൂന്നു വിദ്യാർഥികൾ മുങ്ങിമരിച്ചു. സെന്‍റ് മേരീസ് ഐലൻഡിലാണ് അപകടമെന്നാണ് പ്രാഥമിക വിവരം.

ഏറ്റുമാനൂർ മംഗളം എൻജിനിയറിംഗ് കോളജിലെ വിദ്യാർഥികളാണ് അപകടത്തിൽപെട്ടത്. കടലിൽ കുളിക്കുന്നതിനിടെ മൂവരും തിരയിൽപെടുകയായിരുന്നു. പാമ്പാടി, മൂലമറ്റം, ഉദയംപേരൂർ സ്വദേശികളാണ് ഇവർ.