കണ്ണൂർ: സംസ്ഥാന സർക്കാരിന്റെ ഒന്നാം വാർഷികാഘോഷത്തിന്റെ സംഘാടക സമിതി രൂപീകരണ യോഗം ഇന്ന് രാവിലെ 9.45 ന് ജില്ലാ ആസൂത്രണ സമിതി ഹാളിൽ ചേരും. തദ്ദേശസ്വയംഭരണ മന്ത്രി എം.വി. ഗോവിന്ദന്റെ അധ്യക്ഷതയിൽ ചേരുന്ന യോഗത്തിൽ എംപിമാർ, എംഎൽഎമാർ, തദ്ദേശസ്ഥാപന പ്രതിനിധികൾ, വിവിധ സർക്കാർ സ്ഥാപന മേധാവികൾ, വകുപ്പ് തലവൻമാർ, രാഷ്ട്രീയ, സാംസ്ക്കാരിക മേഖലയിലുള്ളവർ തുടങ്ങിയവർ പങ്കെടുക്കും. ഏപ്രിൽ രണ്ടിന് കണ്ണൂരിലാണ് സംസ്ഥാന സർക്കാരിന്റെ ഒന്നാം വാർഷികാഘോഷങ്ങളുടെ സംസ്ഥാനതല ഉദ്ഘാടനം. ഇതിന്റെ ഭാഗമായി പോലീസ് മൈതാനിയിൽ രണ്ടാഴ്ച നീളുന്ന വിപുലമായ എക്സിബിഷനും വിവിധ കലാ സാംസ്കാരിക പരിപാടികളും സംഘടിപ്പിക്കും.