കണ്ണൂർ: ജില്ലയിൽ പൾസ് പോളിയോ ഇമ്യൂണൈസേഷൻ പരിപാടി സംഘടിപ്പിച്ചു. ഒന്നാം ഘട്ടത്തിൽ ജില്ലയിലെ തെരഞ്ഞെടുക്കപ്പെട്ട 1880 ബൂത്തുകളും 48 ട്രാൻസിറ്റ് ബൂത്തുകളും 98 മൊബൈൽ ബൂത്തുകളുമാണ് പ്രവർത്തിച്ചത്. ജില്ലയിൽ 182052 കുട്ടികളാണ് അഞ്ചു വയസിൽ താഴെയുള്ളത്.
ഇവർക്ക് 3783 ബൂത്തുതല വോളണ്ടിയർമാരുടെയും 621 സൂപ്പർവൈസർമാരുടെയും മെഡിക്കൽ ഓഫീസർമാരുടെയും നേതൃത്വത്തിലാണ് വാക്സിൻ നൽകിയത്. ജില്ലാ ആശുപത്രി അങ്കണത്തിൽ നടന്ന പരിപാടിയുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് പി.പി. ദിവ്യ നിർവഹിച്ചു. ഡെപ്യൂട്ടി ജില്ലാ മെഡിക്കൽ ഓഫീസർ ഡോ. എം. പ്രീത അധ്യക്ഷത വഹിച്ചു.
കണ്ണൂർ കോർപറേഷൻ പരിധിയിലെ 139 കേന്ദ്രങ്ങളിൽ ഇമ്യൂണൈസേഷൻ ക്യാമ്പ് നടന്നു. തളാപ്പ് ഗവ. മിക്സഡ് യുപി സ്കൂളിൽ മേയർ ടി.ഒ. മോഹനൻ കുട്ടികൾക്ക് തുള്ളിമരുന്ന് നല്കി ഉദ്ഘാടനം ചെയ്തു. വിവിധ വാർഡ് കേന്ദ്രങ്ങളിൽ കൗൺസിലർമാരുടെ നേതൃത്വത്തിൽ ക്യാമ്പ് നടന്നു.