പേരാവൂർ: കണ്ണൂർ ജില്ലാ ഒളിമ്പിക്സ് അസോസിയേഷന്റെ നേതൃത്വത്തിൽ പ്രഥമ ജില്ലാ ഒളിമ്പിക്സ് ഗെയിംസ് ആർച്ചറി മത്സരം ബുധനാഴ്ച പേരാവൂർ ജിമ്മി ജോർജ് സ്റ്റേഡിയത്തിൽ നടക്കും.24 ഇനങ്ങളിലായി മൂവായിരത്തിലധികം കായിക താരങ്ങൾ മത്സരത്തിൽ പങ്കെടുക്കും.
രാവിലെ 9.30ന് സണ്ണി ജോസഫ് എം.എൽ.എ ഉദ്ഘാടനം ചെയ്യും. ഒളിമ്പിക് അസോസിയേഷൻ ജില്ലാ സെക്രട്ടറി പി.കെ.ജഗന്നാഥൻ മുഖ്യാതിഥിയാവും.വൈകിട്ട് മൂന്നിന് സമാപന സമ്മേളനത്തിൽ കണിച്ചാർ പഞ്ചായത്ത് പ്രസിഡന്റ് ആന്റണി സെബാസ്റ്റ്യൻ വിജയികൾക്ക് ട്രോഫി വിതരണം ചെയ്യും.
ആർച്ചറി അസോസിയേഷൻ ജില്ലാ സെക്രട്ടറി തങ്കച്ചൻ കോക്കാട്ട്, ഒളിമ്പിക് അസോസിയേഷൻ പ്രതിനിധികളായ പ്രദീപൻ പുത്തലത്ത്, ഒ.മാത്യു, രാജേഷ് ഉഴുന്നൻ എന്നിവർ പത്രസമ്മേളനത്തിൽ പങ്കെടുത്തു.