കോഴിക്കോട് മെഡിക്കല്‍ കോളേജില്‍ രാത്രികാല പൊലീസ് സുരക്ഷ കൂട്ടണമെന്ന് ആശുപത്രി സൂപ്രണ്ട്. ആശുപത്രി പരിസരം ലഹരി മാഫിയ കൈയ്യടക്കിയതായി ആശുപത്രി സുരക്ഷാ വിഭാഗത്തിന്റെ റിപ്പോര്‍ട്ട്. രാത്രിയില്‍ 12 ഇടങ്ങളില്‍ പ്രത്യേക പൊലീസ് പരിശോധന വേണമെന്ന് കത്തില്‍ ചൂണ്ടിക്കാട്ടുന്നു.
ജീവനക്കാര്‍ക്കോ കൂട്ടിരിപ്പുകാര്‍ക്കോ ഇറങ്ങി നടക്കാനാവാത്ത സ്ഥിതിയാണ്. ക്യാംപസിന്റെ പരിസരം ലഹരി മാഫിയയുടെ താവളമെന്ന് സൂപ്രണ്ട് പറഞ്ഞു. ലഹരി കൈമാറ്റത്തിന് ആശുപത്രി പരിസരം ഉപയോഗിക്കുന്നെന്നും പരാതിയില്‍ പറയുന്നു. പൊലീസ് പട്രോളിംഗ് ഏര്‍പ്പെടുത്തണമെന്നും ലഹരി സംഘം സംഘടിച്ച് എത്തി സുരക്ഷാ ജീവനക്കാരെ മര്‍ദിക്കുന്നതായും കത്തില്‍ പറയുന്നു.